Helstu ekrur JJ Prum eru allar staðsettar í miðju Mosel-dalsins; Wehlener Sonnenuhr (5 ha), Graacher Himmelreich, Zeltinger Sonnenuhr og Bernkasteler ; Badstube og  Lay. Samtals eru þetta 20 hektarar af landi í eigu fjölskyldunnar. Vínekrurnar eru í allt að 70% halla og jarðvegurinn er blá/grá skífa (e. Devonian slate). 70% halli er 35° gráðu horn sem hljómar eins og sé ómögulegt að vinna á.

Þessar snarbröttu ekrur og Devonian jarðvegurinn skapa einstök skilyrði fyrir vínin - hallinn tryggir ákjósanlega sólarbirtu og hita á daginn en góða loftræstingu og jarðvegurinn miðlar steinefnum sínum í gegnum vínin.

Framleiðsla JJ Prum nær yfir allt litróf þýskra Prädikatswein. Flokkunin snýst í raun um hvenær og hvernig þrúgurnar eru tíndar - Kabinett eru fyrstu þrúgurnar við venjulegan þroskaleika, Spätlese eru "seint tíndar" þrúgur sem látnar eru sitja lengur á vínvíðnum á meðan Auslese eru "útvaldar" þar sem aðeins bestu þrúgurnar eru valdar.

Því lengur sem þrúgurnar fá að hanga á vínviðnum því hærra verður náttúrulegt sykurinnihald þeirra og því ríkari og þéttari verða vínin.