Reverdito er fjölskyldufyrirtæki undir stjórn systkinanna Michele og Sabinu.

Hjá þeim er jarðvegurinn upphaf alls. Systkinin rækta á 26 hekturum á helstu svæðum Barolo DOCG-héraðsins, þar á meðal í La Morra, Serralunga d'Alba, Verduno og Monforte d'Alba.

Þau bera virðingu fyrir náttúrunni og nota ekki efni sem menga jarðveginn eða grunnvatn og velja þess í stað náttúrulegar leiðir til að vernda umhverfið.

Systkinin skilgreina sig fyrst og fremst sem bændur - frekar en framleiðendur.

Þrúgur frá hverri ekru víngerðar sjálfstætt til að varðveita sérstök jarðvegs- og landslagseinkenni hvers svæðis. Notaðar eru stórar eikartunnur (40-50 hektólítra) af hæstu gæðum en einnig steyptar amfórur fyrir Pelaverga-þrúgurnar.