Mosi Gin / Eldfell / úr Islay viskítunnu

Eldfell varð til í gosi sem lagði nýjan grunn að Vestmannaeyjum árið 1973. Jarðvegurinn er enn volgur, hlíðarnar skjálfa í hávaðaroki og andrúmsloftið ilmar af söltum sjónum.

Eldfjallið er útsett fyrir vályndum veðrum Norður-Atlantshafsins. Hitastigið sveiflast og loftþrýstingurinn líka. Breytingar á loftþrýstingi ýta gininu inn í viðinn í tunnunni og dregur það svo út aftur, aftur og aftur.

Veðrað á Eldfelli í Islay viskítunnum. Torf og salt frá tunnunum sameinast söltum sjónum. Kraftmikið og langt.

Mosi sem var geymdur í Islay tunnu er eins og viskíin frá Islay mjög reykt sem gefur gininu einstakan blæ. Eitt er víst þú hefur aldrei smakkað neitt í líkingu við þetta fyrr.

Ginið byrjar á mjög reyktum tón, þróast yfir í einiber og jurtir sem svo endar í fersku og léttu eftirbragði.

Við mælum með að þú drekkir ginið á klaka með örlitlu Fentimans Connoisseurs tóniki sem fæst hér í versluninni - og enga sítrónu eða límónu þannig að ginið njóti sín sem best. Þessi margslungnu brögð gerir ginið líka að að sérlega fjölhæfum drykk sem nýtist vel í klassískum kokteilum - það gefur gin og tónik dramatíska dýpt, skapar óvenjulegan og minnistæðan martini, og umbyltir Negroni með sínum einstaklega reykta karakter. Jafnframt er það nægilega fágað til að njóta þess eins og sér.

Einungis 700 númeraðar flöskur framleiddar.